Epizòd 17: Ou gen dwa di wi

Marina Mathieu, yon reyalizatris ak aktivis k ap viv Montréal, se envite nou nan disetyèm epizòd koze kilti vyòl. Avèk li, nou te fè yon ti rale sou ou gen dwa di wi. Pa egzanp, fi gendwa pran inisyativ nan koze fè bagay, li gen dwa pou l di sa l vle ak sa l pa renmen. Avan nou te resevwa Marina, Bibiana te vini ak atelye a  pou atire atansyon nou sou fason nou wè fè bagay ak fason nou wè fi ak gason ki renmen fè bagay.

Marina te aksepte pale avè n nan telefòn pandan nou te nan stidyo ANVA a. Ansanm nou te rale sou ou gen dwa di wi. Nou ka koute rezilta ti chita pale sa la :

Marina te komanse pale sou fason nou panse ak aji ki ankouraje kilti vyòl nan sosyete a. sitou yon fi. Rete kwè fason fi abiye rann li cholin e ka fè yo vyole l se mòd panse k ap ankouraje kilti vyòl nan sosyete a. Mòd panse sa yo tèlman pran jarèt yo vin afekte kapasite yon fi pou l di wi, pou l di sa li vle. Marina kwè tou fason sosyete nou an konstwi a,fi pa gen plas yo: yo paka di ni wi ni non. Egzanp lan senp, nou ka senpman gade gouvènman peyi nou. 

Marina Mathieu, te fon ti rale sou enpòtans pou n wè fè bagay tankou yon plat manje. Pou li, li enpòtan pou nou wè l paske gen moun k ap toujou vle menm manje a. Gen lòt k ap vle eseye lòt resèt. Konsa tou, li enpòtan pou w di sa w renmen,  kisa ou alèji avè l pou manje a pa fè w plis mal pasz byen. Daprè l, si nou rive konprann fè bagay tankou fè manje, n ap fasil konprann fi kou gason gen dwa di wi. Yo gen dwa di sa yo renmen ak sa yo pa vle.

Nan epizòd sa tou, nou kisa ki fè l enpòtan pou sosyete a panche l sou wi fi yo. Pou li, rezon an senp: fi se moun. Li nòmal pou vwa l konte menm si jan sosyete nou an ap fonksyone a, li pa bay enpòtans ak sa fanm panse. Sosyete a pa bay fanm chans pou l di wi oubyen non daprè l.  Poutan, li panse pou n sòti nan sa, li t ap bon pou n poze moun pwòch nou kesyon ki senp pa paske nou vle kontrekare yo men pou ede yo wè limit nan sa yo panse ki reyalite. Li rete kwè menmsi nou rive depase sa fanmi nou ak zanmi nou ka panse,panse, t ap toujou pi non pou n ede yo wè pu klè sou koze konsantman ak fè bagay. Solisyon an se nan kontinye #PafèSilans.

Se pou ede fè chanjman sa, Ayiti Nou Vle A lanse pòdkas Koze Kilti Vyòl la. Si w ta renmen kite sijesyon pou amelyore pòdkas la, klike sou sijesyon. Si w ta renmen reyaji sou epizòd la an antye, kite yon kòmantè anba paj sa.

Mèsi pou enterè w pou pòdkas la. M kontan w la.

 

Alain


Vwa moun ki nan emisyon sa:

  • Animatè : Alain Délisca 
  • Envite:  Marina Mathieu 
  • Spòt: Karène Franck 
  • Atelye  Bibiana Mathieu 
  • Ankadre : Alain Délisca 

Lokasyon: ANVA Studios. 

Miksaj: Patricia Camilien pou ANVA Medya.

Klike la pou dekouvri tout ekip pòdkas la.

Afichaj 1 reyaksyon

Souple, verifye imel ou pou w aktive kont ou.

Patisipe Rekrite Enfliyans

rete konekte ak nou